தலைவி

தொள்ளுறு புலன்கள் போற்றும்


தோகையர் உருவில் உழன்று

பாவையர் பார்வை கேட்டு

பதறும் இமைகளை கொண்டோன்





செப்பிய பணிகள் முடித்து

காப்பியக் கோவை பாடி

கயல்விழி கண்டு நின்றான்





செவ்விதழ் சிலம்பமாட

சிற்றிடை சினந்து ஆட

பெருநடை பொரு புலியை ஒப்ப

வெறுப்புடன் விரைந்து வந்து

செருக்குடன் கொங்கை சிலிர்க்க

சினத்துடன் சொல்லி நின்றாள்



ஒவ்வாது ஒவ்வாது காண்பாய்

உனக்கென ஒரு செயல் புரிந்திலை காண்பாய்

செப்பிய பணிகள் முடிக்க

செக்கிழு மாடு போதும் !



இச்சைக்கு கவி பாடி

இளமைக்கு துதி பாட

முகத்தொரு மீசை கொண்ட

செம்மீன் போதும் போதும்



உனக்கென்று எண்ணம் விளைந்து

உனக்கான வழியை தேடி

உன்மனம் விளையும் பொது

நிழல் கண்டு நானும் வருவேன்

நாணாமல் போய்வா என்றாள்



தன் காலில் நிற்கும் தலைவனாய்

தலைவனை காண நினைக்கும் தலைவி
 

சின்னு (சிவப்பிரகாசம்)

சின்னு (சிவப்பிரகாசம்) அவர்களின் இதர படைப்புகள்