நினைவுகள்...

நினைவை விதைத்து
நினைவை வளர்க்கும்

நினைவைப் புதைத்து
நினைவை சமாதியாக்கும்..

கண்ணாடி சில்லாய்
மனதை அறுக்கும்
அறுப்பட்ட இதழ்களில்
பனித்துளியாகவும் துளிக்கும்..

வெண்பா போன்று
நினைவுக்கும் இலக்கணம் உண்டு

நேர்முன் எதிர்வரும்..
எதிர்முன் நேர்வரும்..

குறற்பா போல குறுகும் சில நினைவுகள்

பஃறொடை போல நீளும் சில நினைவுகள்..

நிழற் போல
நேரத்திற்கு ஏற்பவும்
சில நினைவுகள்..

வெயில் நேர ஓட்டு வீடாய்
சில நினைவுகள்..

முள்ளைப் போல
நினைவுகளையும்
நினைவால்தான் எடுக்க வேண்டும்..

முள் எடுக்கும் வரை வலிக்கும்
நினைவு எடுத்த பிறகும் வலிக்கும்..

பிரபஞ்சன் பிரகாஷ்

பிரபஞ்சன் பிரகாஷ் (மதுரை)  படைப்புகள்